Вашингтон визардс приредија вистинска магија во финишот на мечот со Бруклин нетс и со 8 поени за 8,1 секунда од негатива од пет поени разлика, стигнаа до победа од 149:146.
Најпрво Бредли Бил со тројка намали на 146:144, а потоа домаќините лошо изведоа од под кош, гостите дојдоа до топката, Гарисон Метјуз му асистираше на Расел Вестбрук, а бекот на Визардс со уште една тројка му донесе предност од 146:147 на гостинот од Вашингтон.
Приказната заврши со прецизно изведени слободни фрлања на Бил за победа на аутсајдерот со 8 поени во последните 8,1 секунда.
BEAL FOR 3.
MATHEWS STEALS IT.
RUSS FOR 3.The @WashWizards erase a 5-point deficit in the final seconds, from EVERY ANGLE! pic.twitter.com/aA5iLhdAaS
— NBA (@NBA) February 1, 2021
Финишот на мечот многу потсетува на драмата од 1986 година во полуфиналето на Мундијалот меѓу СССР и Југославија, кога кошаркарите на Советскиот сојуз анулираа негатива од 9 поени во финишот и потоа победија во продолженија со 91:90.
