Колумбиското крило Луис Дијас пристигна во Минхен, во тек се лекарски прегледи и во текот на денов официјално ќе потпише договор со Баерн.
Трансферот на 28-годишниот Дијас ќе чини околу 70-75 милиони евра, а договорот со Баварците на досегашниот играч на Ливерпул ќе биде на четири години и годишната плата ќе му биде 14 милиони евра. Ливерпул го купи Дијас од Порто во 2022 за 49 милиони.
Дијас со својот клуб Ливерпул до вчера беше во Јапонија на претсезонска турнеја, но Црвените за него сега се минато.
Дијас дебито во дресот на Баерн се очекува да го има в сабота на „Алијанц арената“, кога Баварците ќе играат пријателски меч со францускиот Лион.
