Тренерот на Пари Сен Жермен, Луис Енрике, даде интересно објаснување зошто во последно време му давал помала минутажа на крилниот напаѓач Усман Дембеле кој е најголема ѕвезда во тимот.
„Имам ист однос со сите играчи. Јас сум нивен тренер. Не сум нивен татко, брат или „бро“… Морам да носам одлуки и ги носам оние што мислам дека се најдобри за мојот тим. Нема да се менувам, тоа го правам од почетокот на кариерата“, рече 54-годишниот Шпанец.
ПСЖ е дури 25-ти на табелата во Лигата на шампионите, и ќе има проблем да се најде меѓу 24-те најдобри особено ако загуби и во следното коло во јануари во кое е домаќин на Манчестер сити.
„Кому му е гајле дали е заслужено или не? Никому не му е важно. Тоа е нашиот пласман во моментов, тоа е реалноста. Размислуваме како да ја свртиме ситуацијата“, додаде Енрике.
