Луис Суарес од Барселона е пред преселба во Атлетико Мадрид, пренесуваат повеќе медиуми. Според најавите, каталонскиот гигант се согласил да го пушти уругвајскиот напаѓач како слободен играч, а Атлетико веднаш реагирал со добра понуда.
За Суарес најзаинтересиран беше Јувентус, но Старата дама е сè подалеку од овој трансфер, а во преден план изби Атлетико.
Најавите се дека играчот веќе ги договорил личните услови со Јорганџиите и се чека само формалноста за ослободување од обврските кон Барселона за да дојде до реализација на трансферот. Новиот тренер на Барса, Роналд Куман најави дека нема да смета на Суарес и едноставно најдобро за клубот беше овој играч кој добиваше голема плата, да си замине како слободен од „Камп Ноу“.
BREAKING: Luis Suarez in advanced talks to join Atlético Madrid if he’ll part ways with Barcelona. (@FabrizioRomano) pic.twitter.com/hYQvvmb2u8
— SPORTbible (@sportbible) September 21, 2020
