Едно од најголемите промашувања во историјата на Реал Мадрид, Лука Јовиќ, најверојатно кариерата ќе ја продолжи во Шпанија, откако стана јасно дека Милан нема да му го продолжи договорот и ќе го ослободи од обврските на крајот од месецов.
Иако беше најавено дека Србинот може да ја напушти Европа и да потпише за мексиканскиот Круз Азул или бразилскиот Ботафого, сепак на негова адреса има понуди и од Монца и од Бетис, а изборот на фудбалерот е да се врати во Шпанија.
Зелено-белите се покажаа како одлична средина за фудбалерите кои беа „избркани“ од нивните екипи, па веројатно и тоа е една од причините зошто Јовиќ сака да потпише за Бетис и следната сезона да настапува во Ла Лига.
