Милан дојде до првата победа во новата сезона во италијанската Серија А, откако славеше со 0-2 на гостувањето кај Лече.
Победата можеше да биде и поубедлива, но и да дојде многу порано. ВАР собата на двапати реагираше и поништуваше голови за Милан. Најпрво на Габиа во четвртата минута, а потоа и на Хименес во 60-тата.
Сепак, резултатот беше отворен во 66-тата минута. Лука Модриќ изведе слободен удар, а Лофтус-Чик погоди со глава за водство на Милан. Конечните 2-0 ги постави Кристијан Пулишиќ во 86-тата минута.
