Ромелу Лукаку вечерва нема да биде во составот на Белгија за дуелот против Исланд. Напаѓачот уште не е закрепнат по повредата на мускулот која ја здоби на клупско ниво.
Лукаку не играше ниту за Манчестер јунајтед против Борнмут во Премиер лигата и против Јувентус во Лигата на шампионите, но затоа се најде на теренот за дербито против Манчестер сити, кога всушност и ја обнови повредата.
Белгија е апсолутен фаворит против Исланд, а в недела ќе треба да го обезбеди првото место во групата, и тоа во директна пресметка против Швајцарија на гости. За таа средба Лукаку ќе биде во составот.
