Македонскиот фудбалски репрезентативец Љупчо Дориев својата кариера ја продолжува во клубот Согдијана Жизах во Узбекистан.
По заминувањето од Шкендија, струмичанецот имал атрактивни понуди од странство, а решил ја прифатил онаа од суперлигашот од Узбекистан. Тренер на тимот е Црногорецот Иван Бошковиќ, a во играчкиот кадар имаат и тројца Срби, додека другите се Узбекистанци.
Дориев, кој има 27 години, досега има играно за Хоризонт Турново, Академија Пандев и Шкендија, а за А репрезентацијата на Македонија има седум настапи. Наскоро треба да замине во Узбекистан, по што ќе биде и официјално промовиран.
