Мајами хит имаше спектакуларна акција во обид да го задржи капитенот Горан Драгиќ и на оригинален начин со серија билборди во Љубљана му порача дека местото му е во клубот што играше финале во НБА лигата.
„Драгон, синот на Љубљана и капитенот на Мајами“ беше истакнато на еден од билбордите, а оригиналната тактика на Мајами даде резултат и најавено е дека Горан ќе го продолжи договорот со Хит за уште две години за сума од 37.4 милиони долари.
Veseli nas, da so pri @MiamiHEAT še enkrat več dokazali kako zelo cenijo Gorana. Tokrat so šli še korak dlje in mu s pomočjo Goranove fundacije pripravili prav posebno presenečenje.
Preko jumbo plakatov so mu dali vedeti, da bo njegova druga družina vedno z njim. pic.twitter.com/NNDOyCFFu4— Goran Dragić Foundation (@FoundationGD) November 20, 2020
Драгиќ има 34 години и е моторот на екипата што на сензационален начин стаса до финалето во НБА, но не можеше и до титулата, најмногу поради повредата на Словенецот.
Загубија од Лос Анџелес лејкерс, но не отстапуваат од планот за нов подвиг и обид да се освои круната, а со симпатична акција во Љубљана стасаа до првата цел, Драгиќ да продолжи да игра за Мајами.
Словенецот пристигна во клубот во 2015 година и тогаш потпиша петгодишен договор за сума од 85 милиони долари. Сега е подготвен за нова авантура и за нов милионски договор за нова двегодишна соработка со Мајами хит.
