Мајами хит и Минесота тимберволфс се последните тима кои обезбедија место во плејофот во НБА лигата. Во последните два меча кои беа од плејин за пласман во плејофото, Мајами и Минесота ја искористија предноста на домашен терен и победија против Чикаго и Оклахома.
Жешко беше во Мајами каде домаќините со добра игра во последните неколку минути стигнаа до победа над Чикаго од 102:91. Мајами одлично го започна мечот и поведе со 14 разлика во првата четвртина (29:15), но гостите полека се враќаа во игра и во последната четвртина Чикаго успеа дури да стигне до водство од шест поени (82:76).
Гостите водеа и со 90:89, но кога беше најпотребно, Мајами заигра одлично и во финишот со серија од 13:1 стигна до двоцифрена победа. Џими Батлер и Макс Струс со по 31 поени беа најефикасни кај победничкиот тим, а Демар Дерозен постигна 26 поени и девет асистенции за Чикаго.
Во Минесота, домаќините славеа убедливо со 120:95 против Оклахома, па сега се познати сите парови за првата фаза од плејфот во НБА лигата.
ДВОЈКИ ЗА ПЛЕЈОФОТ
Запад: Денвер – Минесота, Феникс – ЛА Клиперс, Сакраменто – Голден Стејт и Мемфис – ЛА лејкерс.
Исток: Милвоки – Мајами, Кливленд – Њујорк, Филаделфија – Бруклин и Бостон – Атланта.
