Кајл Вокер е опериран по повредата на мускулот на манчестерското дерби меѓу Сити и Јунајтед минатиот викенд.
Дефанзивецот на Манчестер сити ќе мора да паузира меѓу шест и осум недели, па неизвесно е дали ќе стигне да биде потполно фит за стартот на Мундијалот во Катар закажан за 21. ноември.
Вокер може да игра и како стопер и како бек и ако не може да настапи на Светското првенство, тоа ќе биде хендикеп за Англија.
Герет Саутгејт ќе мора да се изјасни наскоро кои фудбалери ќе патуваат за Катар на Мундијалот, а лошо за Вокер е што Англичаните ќе играат на премиерниот ден против Иран во 14 часот.
