Емил Рајковиќ, најуспешниот македонски тренер во историјата, вечерва со својот нов тим Тофаш приреди вистинска сензација во турската кошарка, победувајќи го европскиот клупски шампион Фенербахче со тесни 80-78 на домашен терен.
Натпреварот беше екстремно драматичен, а победничкиот кош за Бурса беше постигнат буквално во последната секунда. Херој на мечот стана Максвел Луис, кој го постигна својот прв кош на натпреварот токму во клучниот момент.
Огромна заслуга за конечниот исход има Рајковиќ, кој на само една секунда пред крајот, при резултат 78-78, повика тајмаут и ја нацрта акцијата која тимот ја реализираше до триумфот.
TOFAŞ AVRUPA ŞAMPİYONU’NU SON SANİYE BASKETİYLE DEVİRDİ
— Olay Final (@olayfinal1) September 27, 2025
Basketbol Süper Ligi 1. haftasında TOFAŞ, sahasında Fenerbahçe Beko’yu Maxwell Lewis’in son saniye basketiyle 80-78 mağlup etmeyi başardı.
🎥 @emrekurtbay_ pic.twitter.com/fqDXwOHjUp
Триумфот на Тофаш е уште позначаен ако се земе предвид дека во последната четвртина Фенербахче имаше водство од седум поени (74-67) и во последните две минути имаше напад за победа со предност од еден посед.
Најефикасен кај Тофаш беше литванскиот репрезентативец Блажевич со 21 поен, додека Хортон Такер од Фенербахче беше прв стрелец на мечот со 24 поени.
