Македонија денеска со прв тренинг од 16.30 часот ќе ја почне „Операцијата Лихтенштајн“ во обид да се победи домаќинот на 8 октомври во Вадуз и да се задржи чекорот за пласман на Светското првенство во Катар идната година.
Избраниците на Благоја Милевски доаѓаат во Скопје во групи и составот треба да се комплетира на првиот тренинг денеска.
За жал, Енис Барди нема да игра поради повреда и на двата октомвриски дуели, против Лихтеншштајн за четири дена и со Германија во Скопје на 11 октомври, што е голем хендикеп за Македонија.
Нашата репрезентација ќе патува за Вадуз во среда и ќе биде првата репрезентација што ќе игра на новиот тревник на стадионот „Рајнпарк“.
Домаќините се пофалија со реновираниот терен, што ќе биде и предноста за Македонија бидејќи сега има подобри услови за игра на стадионот во Вадуз.
