Македонија ЃП ја оправда фаворитската улога и со убедливи 3-0 го совлада Шкупи, прекинувајќи ја негативната серија од осум натпревари без триумф во Првата македонска фудбалска лига.
Во 11-тата минута Малик Хамзиќ донесе водство од 1-0, а набргу потоа Колумбиецот Гереро го зголеми резултатот на 2-0 по убава тимска акција.
Најатрактивниот момент пристигна во 29-тата минута, кога младиот Софијаноски испрати силен удар од околу дваесет метри и го постави конечниот резултат, 3-0.
Во продолжението имаше многу шанси, но немаше нови погодоци.
Овој триумф е и прв за новиот тренер Боби Божиновски на клупата на Македонија ЃП.
