Македонскиот прволигаш Македонија ЃП продолжува со градба на конкурентен состав за враќањето во елитата, а најново засилување во редовите е 23-годишниот Клинтон Осеи.
Офанзивецот доаѓа по успешна сезона во дресот на Воска спорт, каде се запиша меѓу стрелците седум пати. Неговите игри не останаа незабележани, па сега ќе добие нов предизвик, да се докаже во Првата македонска лига и во дресот на Македонија ЃП.
Осеи претходно настапуваше и на унгарско тло, каде ги бранеше боите на Козармислени и МТК Будимпешта. Со своето меѓународно искуство и напаѓачки инстинкт, се очекува да биде значајно оружје за тимот од Ѓорче Петров во новата сезона.
