Одбојкарската репрезентација на Македонија со два максимални порази го заврши настапот на првиот турнир од Европската златна лига. После поразот од Финска, нашите одбојкари загубија и од домаќинот на турнирот, Словачка, со максимални 3-0.
Иако сите три сета беа неизвесни, сепак домашната селекција ја оправда фаворитската улога која ја имаше и пред мечот. Ретко се случуваше да бидеме во водство, тоа беше најчесто само на почетокот на сетовите, па така првиот го загубивме со 25-21, во вториот беше 25-22 за Словаците, додека во последниот беше најнеизвесно, но повторно во корист на домашните, овојпат со 25-23.
Следниот викенд македонските одбојкари ќе играат на турнир во Рига, против домашната Летонија и против Грција.
