Македонската фудбалска репрезентација денеска го има првиот собир за подготовките пред стартот на Европското првенство. Македонија за прв пат ќе биде дел од едно големо фудбалско натпреварување, а првиот меч ќе го играме на 13 јуни во Букурешт против Австрија. Во групата се уште и Украина (играме на 17 јуни во Букурешт) и Холандија (играме на 21 јуни во Амстердам).
Базата ќе биде хотелот „Хилтон“ каде вечерва треба да се соберат фудбалерите. Според протоколите, сите прво треба да поминат на тестот за Коронавирусот и ќе бидат изолирани во посебни соби. Откако ќе бидат познати резултатите од тестирањето, ќе може да започне и првата фаза од подготовките.
