Европската фудбалска куќа, УЕФА, и официјално го објави распоредот на натпреварите за новата сезона од Лигата на нациите. Македонија за првпат ќе игра во сегментот „Б“, а групната фаза ја отвораме со домашен дуел против Швајцарија на 26 септември.
Три дена подоцна следува гостување кај Словенија, а на трети октомври ќе ја пречекаме Шкотска. Двојниот септемвриско-октомвриски прозорец го затвораме со гостување кај Швајцарија на шести октомври.
Во ноемвриските термини, најпрво на 13-ти гостуваме во Шкотска, а три дена подоцна ја пречекуваме Словенија.
