Фудбалската репрезентација на Македонија ќе направи скок од пет места на најновата ранг листа на ФИФА која треба да излезе на 11 јули.
Во изминатиов период нашата селекција одигра два меча во квалификациите за пласман на Светското првенство во 2026 година и тоа нерешено во Скопје против Белгија (1:1) и победа на гости во Астана против Казахстан (1:0).
Благодарение на овие добри резултати, Македонија од 67 место ќе скокне на 62 позиција на ФИФА листата.
Македонија моментално е лидер на табелата во квалификациите за СП 2026 година со осум бодови, пред Велс со седум, Белгија има четири бода, Казахстан е со три бодови и Лихтенштајн кој нема освоено ниту еден бод.
