Македонската кошаркарска репрезентација попладнево (18 часот), во Даблин ќе гостува на Република Ирска во меч од второто коло од претквалификациите за пласман на Европското првенство. Нашата репрезентација одлично стартуваше во овие ппретквалификации откако убедливо со 87:49 го победи Азербејџан во Скопје, но сега во ист ритам треба да се продолжи и денеска.
Ирска воопшто не важи за кошаркарска нација и едноставно Македонија без поголеми проблеми треба да стигне до нова победа. Во таборот на Македонија постои оптимизам, но до победата треба да се стигне со добра игра на теренот.
Селекторот Марјан Илиевски потенцираше дека нашите кошаркари на секој натпревар мора да бидат максимално подготвени и фокусирани, да го потценат ниту еден противник, но секако и да не се плашат од никого.
Ирска во првото коло гостуваше кај Луксембург и загуби со 89:77.
