Македонската ракометна репрезентација ќе игра во Група 1 за квалификациите за пласман на Европското првенство во Германија во 2024 година. Ждрепката сакаше противници на Македонија за пласман на континенталниот собир ќе бидат Португалија, Турција и Луксембург.
На фудбалски план, Македонија загуби од Португалија и не замина на СП во Катар, но сега на ракометен план има многу поголеми шанси да биде дел од завршницата.
Македонија досега била дел на седум континентални собири од кои е редовен учесник на последните шест Европски првенства. Нашата цел е да бидеме дел и на завршницата од ЕП во Германија.
Сите групи во квалификациите за ЕП 2024 година изгледаат вака:
Група 1: Португалија, МАКЕДОНИЈА, Турција, Луксембург.
Група 2: Норвешка, Србија, Словачка, Финска.
Група 3: Исланд, Чешка, Израел, Естонија.
Група 4: Австрија, Украина, Романија, Фарски Острови.
Група 5: Хрватска, Холандија, Грција, Белгија.
Група 6: Унгарија, Швајцарија, Литванија, Грузија.
Група 7: Словенија, Црна Гора, Босна и Херцеговина, Косово.
Група 8: Франија, Полска, Летонија, Италија.
Европското ракометно првенство во 2024 година ќе се игра од 12 до 28 јануари во шест града во Германија. На ЕП одат најдобрите две од секоја група, плус четирите најдобропласирани трети во групата.
