Селекторот Благоја Милевски одлучи да не прави премногу измени во почетниот состав кој ќе тргне против Гибралтар, и во однос на оние што беа во првите 11 во Разград против Бугарија, сега ќе ги нема само Дарко Велковски и Дарко Чурлинов.
За гостувањето од Лигата на нации кај Гибралтар од 18 часот, нема да игра Велковски, кој се жали на поситна повреда, не негово место во одбраната ќе биде Кире Ристевски, а изоставен е и Чурлинов, од тактички причини. Стартер би требало да биде Бобан Николов, што значи дека формацијата ќе биде 4-4-2.
Најавен почетен состав: Димитриевски, Ашковски, Алиоски, Муслиу, Ристевски, Николов, Барди, Елмас, Спировски, Трајковски, М. Ристовски.
