Македонската фудбалска репрезентација ги освои првите три бода во квалификациите за пласман на Светското првенство во Катар 2022 година, откако на арената „Тодор Проески“ без многу мака, убедливо со 5:0 го победивме Лихтенштајн. По две кола, Македонија има три бода, а сигурната победа е одлична увертира пред гостувањето кај четирикратниот светски првак Германија. Македонија на 31 март ќе гостува во Дуизбург во рамките од третото коло од квалификациите.
Ова беше 10-ти меч на Македонија против Лихтенштајн, а се израдувавме на деветата победа (имаме и едно реми). Лихтенштајн е селекцијата против која ја имаме остварено рекордната победа од 11:1 во далечната 1996 година, а сега се израдувавме на уште еден убедлив триумф.
Македонија немаше дадено пет гола на еден речиси 19 години. Послден пат со 5:0 ја имавме победено Малта на 21 август 2002 година, а сега истиот резултат го имаме и против Лихтенштајн.
Голеадата ја започна Барди со прекрасен гол од слободен удар во првиот дел. Останатите четири погодоци беа во второто полувреме. Трајковски погоди два пати, а по еднаш прецизни беа Елмас и Несторовски од пенал.
7 минута, Барди за 1:0
51 минута, Трајковски за 2:0
54 минута, Трајковски за 3:0
62 минута, Елмас за 4:0
