Македонија нема да мора да игра два баражи за настап на Светското ракометно првенство во 2021 година во Египет, како што првично се претпоставуваше и ќе игра само еден двомеч за настап на Мундијалот.
Ќе настапиме во втората рунда финални бараж двомечи во јуни годинава, а се уште не се знае дали ќе бидеме во групата со носители, или не, што е многу важно за да се добие полесен противник.
Во првата рунда бараж мечеви ќе играат Полска, Русија, Летонија и БиХ како најслабопласирани селекции на ЕП 2020 против репрезентациите што беа најуспешни во квалификациите, а тоа се Романија, Литванија, Турција и Израел. Победниците од овие двомечи ќе се приклучат во последниот филтер бараж дуели за настап на СП 2021 година.
