Кирил Лазаров со победа против Луксембург од 38:24 ја започна новата ера во своето богато ракометно поглавје и за првпат без настап на терен за Македонија, но во улога на селектор, а веќе утре ќе оди и на нов триумф во Ван против Турција.
Во квалификациите за настап на Европското првенство во 2024 година Македонија е топ-фаворит во првата група, заедно со Португалија, а утре за еден од клучните мечеви ќе ги има на располагање и Дејан Манасков и Мартин Томовски.
Тие не беа во составот за мечот со Луксембург, а се многу важни алки во нашата репрезентација и тоа е дополнителен потстрек да се победи Турција, утре од 16 ачсот во меч од второто коло.
Секој триумф и бод е важен, бидејќи двете првопласирани селекции од секоја група ќе играат на Европското првенство за две години.
Турција го загуби првиот меч од Португалија со 44:27 на гостински терен.
