Репрезентацијата на Македонија за фудбалери до 19 години не успеа да забележи победа ниту на третиот натпревар од квалификацискиот турнир кој се одржуваше во Дуделанж. Нашите млади фудбалери на последниот меч одиграа нерешено, 1-1, против домаќинот на турнирот, Луксембург.
Сепак, иако нашите фудбалери имаа шанси за пласман во Елитната рунда, тоа немаше да се случи и да победевме, бидејќи на на вториот меч се случи изненадување, па Летонија го совлада лидерот Словачка со 2-0, па токму тие ќе беа втората селекција која ќе продолжеше понатаму.
Вака, Луксембург продолжува во Елитната рунда со четири бода, колку што има и Летонија, но домаќините победија во меѓусебниот дуел.
Голот за водство на Македонија на мечот против Луксембург беше дело на Димитар Данев во осмата минута, додека домашните израмнија во 45+3 минута преку Домингос.
Македонија квалификацискиот турнир го завршува со две идентични нерешени средби од 1-1 против Летонија и Луксембург, како и убедлив пораз со 3-0 од Словачка.
