По убедливата победа над Словачка, македонската кошаркарска репрезентација со зголемена самодоверба влегува во вечерашниот дуел со Швајцарците од 19 часот во „Јане Сандански“. Во првото коло Црвено-жолтите загубија од истиот противник, па сега избраниците на Драган Бајиќ имаат мотиви за реванш.
Победа за Македонија ќе значи пласман во квалификациите за Светското првенство 2023 година, а ако победиме над пет поени разлика, огромни се шансите местото во главните квалификации да биде со освоено прво место во групата во овој циклус, во кој нашата селекција игра ослабена и некомплетна, но со неколку млади играчи желни за докажување.
Во својата историја од 1993 година наваму, машкиот национален сениорски тим на Македонија во кошарка има 79 победи, вечерва јавноста го чека јубилејниот 80-ти триумф.
Според квотите во Sport Life, благ фаворит е Швајцарија, но тоа е само мотив плус да се типува на „двојка“ бидејќи квотата за триумф на македонската селекција е одлична.
