Кога два тима се во тесна трка за титулата, се користат секакви, па и неспортски средства, прв да се мине низ целната линија и да се освои трофејот, а ваков случај имаме и во македонската Прва лига во футсал.
КМФ Арбен Бајрами и КМФ Проект имаат ист број бодови, па им треба што подобра гол-разлика, и на синоќешните мечеви „забегаа“ и победуваа со ненормални резултати. Чаирчани за 40 минути игра му дадоа 75 гола на својот сосед Јувентус Серава, а Проектантите испроектираа победа од „само“ 60 голови разлика против Енхалон и примија дури два гола.
Колку и да е голема разликата во квалитет, овие резултати се крајно спорни и непотребни, а на потег е федерацијата.
За споредба, во ноември КФМ Проект кога играше со Енхалон, победи со резултат 4-0, а Арбен Бајрами во првиот дуел сезонава со Јувентус Серава го совлада противникот со 11-5.
