Македонската фудбалска репрезентација е на 67-мото место на последното рангирање во 2024 година на листата на Светската федерација, ФИФА. Нашата селекција има 1.362,21 поени, а малку пред нас се селекциите на Буркина Фасо, Албанија, Јордан, ОАЕ, Јамајка, Конго, Узбекистан…
Успешен беше настапот на Македонија во 2024 година во Лигата на нациите во којшто го освои првото место со пет победи и едно реми, па се пласира во Сегментот Б на ова натпреварување. Сепак, и покрај овој успех, Македонија во однос на декември 2023 година назадувала, и тоа за две позиции. Во декември минатата година нашата репрезентација завршила како 65-та на ФИФА-листата.
На врвот на ФИФА-листата нема никакви промени. Аргентина е лидер со 1867,25 поени, пред Франција, Шпанија, Англија, Бразил, Португалија, Холандија, Белгија, Италија и Германија, која ги комплетира Топ 10.
Во 2025 година во фокусот на македонската репрезентација ќе бидат квалификациите за СП 2026 година. Македонија е во група со Белгија, која е на осмото место на ранг-листата, потоа Велс (29 место), Казахстан (110 место) и Лихтенштајн на 204-тото место на ФИФА-листата.
