По комплетирање на второто квалификациско коло од европските натпреварувања, само екипата на Шкендија остана македонски преставик на континенталната сцена. Македонскиот првак ги елиминираше ТНС и ФЦСБ, па ќе игра во третото квалификациско коло од Лига на шампиони. Шкендија сигурно има обезбеден место во групна фаза од европските натпреварувања (минимум во Конференциската лига), што значи дека и цела есен ќе игра во Европа.
Вардар не успеа да го елиминира предизвикот наречен Лозана, откако по победата со 2:1 во Скопје, на реваншот загуби убедливо со 5:0. Во првото коло од квалификациите настапите ги завршија Работнички и Силекс.
По сите овие резултати, УЕФА направи ново рангирање на клупскиот фудбал, каде Македонија останува на 51 место од 55 земји. Оваа очајна позиција на Македонија е поради катастрофалните резултати на нашите екипи во Европа во претходните неколку сезони, кога коефициентот падна на самото дно и сега е многу тешко да се изгради статусот на земја со солиден клупски фудбал.
Зад Македонија на рангирањето се само Сан Марино, Гибралтар, Велс и Грузија, а интересно е дека далеку пред нас се Босна и Херцеговина (37 место), Косово (38), Фарски острови (40), Лихтенштајн (41), Малта (42), Андора (47)…
Од сите 55 европски земји, само Велс, Грузија, Црна Гора и Андора останаа без ниту еден преставник, додека со по еден тим освен Македонија се и Сан Марино, Гибралтар, Луксембург, Белорусија, Естонија, Литванија, Лихтенштајн, БиХ и Финска.
🚨 Country Ranking Update.
🇧🇪 Belgium and 🇬🇷 Greece are the highest ranked nations that lost ONE CLUB TODAY!
🇷🇸 Serbia and 🇸🇰 Slovakia are the highest ranked nations that lost TWO CLUBS TODAY!
❌ FOUR NATIONS left with NO CLUBS in European competitions this week! pic.twitter.com/hOY6G5b1Cg
— Football Rankings (@FootRankings) July 31, 2025
