Женскиот фудбалски шампион на Македонија, Љуботен од Тетово, на ждрепката за квалификациите во Лигата на шампионите, ги доби противниците со кои ќе треба да игра на турнирот од 6-ти до 9-ти септември.
Најпрвин на 6-ти, Љуботен ќе игра со кипарски Аполон, а потоа три дена подоцна, во финалето или мечот за трето место, со Мура од Словенија или Самегрело од Грузија.
Уште не е одлучено каде ќе се игра мини-турнирот на кој ќе учествува и тетовскиот тим. Од овие четири клуба во групата на Љуботен, Аполон има највисок рејтинг и заедно со Мура беа меѓу носителите.