Кошаркарската репрезентација на Македонија за играчи до 18 години, го прегази Кипар со 102-61, за четврта победа во четвртото коло на ЕП од Б дивизија кое се одржува во Скопје.
Овој триумф значи освојување на првото место во групата Ц и пласман во четвртфиналето во кое ривал ќе ни биде второпласираниот од групата Д, во моментов таму втора е Норвешка, но и Грузија е со еден пораз како и Норвежаните. Името на противникот ќе го дознаеме утре.
Стојковиќ со 20 поени беше најефикасен во тимот на селекторот Горан Андреевски. Луканоски и Ќириловски уфрлија по 17 поени, Јаничиќ заврши со 14, Марјановиќ со 13.
Утре Македонија игра со Украина, но и во случај на пораз, остануваме први на табелата поради подобриот меѓусебен скор со Чешка. Во елитната А дивизија ќе се пласираат најдобруте три селекции од ова првенство.
