Македонските фанови, како и секогаш на големите ракометни настани, пријателски се настроени и кон навивачите од земјите противници на нашата репрезентација, се разбира, нема зла крв ни кон Холанѓаните, кои исто така се максимално коректни.
Јасно е дека македонската Фаланга ќе биде многу побројна на трибините, некои од нашите фанови се фотографираа со „колегите“, кај кои доминира портокаловата боја.
Македонците и Холанѓаните само за една работа имаа несогласување, околу конечниот резултат. Секој мисли дека ќе победи неговата селекција. На крајот ќе видиме кој ќе се радува. Средбата Македонија – Холандија се игра во Вараждин од 18 часот. Победата многу ќе значи поради пренесувањето на бодовите во следната фаза, во која би требало да влезат и Македонија и Холандија.
