Претседателот на Франција, Емануел Макрон, изјави дека ќе се обиде да го убеди Килијан Мбапе да не си оди од клубот летово и да го одработи до крај договорот со Пари Сен Жермен.
Мбапе и самиот кажа дека сака да остане следната сезона во ПСЖ, но ако до крајот на јули не го продолжи договорот до 2025 година, клубот има намера да го продаде уште летово за да не им се случи ѕвездата да си замине следното лето како слободен играч и да не добијат ниту едно евро.
„Немам информација што се случува, но ќе се обидам да го убедам да остане“, рече Макрон, кој беше прашан од еден фан на Светците за време на едно шоу.
Макрон и лани имаше улога во убедувањето на Мбапе да не оди во Реал Мадрид, туку да остане во францускиот тим.
