Легендарниот Паоло Малдини, кој како играч на Милан освои седум Скудета во Италија, а сега е директор на Милан, изјави дека Росонерите пред Интер ќе дојдат до 20-тата титула во Серија А, и втора ѕвездичка на дресот.
Во моментов, градските ривали Интер и Милан се изедначени со по 19 титули.
„Се израмнивме со Интер, а ние пред нив ќе добиеме и втора ѕвездичка на дресот“ – искоментира Малдини, чиј син Даниел првпат освои титула и стана трета генерација од семејството после дедото Чезаре и таткото Паоло, кој бил првак на Италија во дресот на Милан.
Од 19-те титули на Милан, во 12 имале играч од семејството Малдини.
