Севилја игра неверојатно ефикасно, а малерите со повреди експлодираа со голови. На последните два меча екипата од Андалузија постигна фантастични 11 голови, а настрадаа Стандард Лиеж и Леванте.
Денеска Барди и соиграчите настрадаа и примија шест голови и тоа на домашен терен, а претходно во меч од Европа Лигата Стандард прими пет голови на „Санчез Писхуан“.
На единаесетката особено и се радуваат повредениот капитен Ескудеро, кој го повреди лактот на мечот со Вилјареал, потоа и Маркадо, кој скрши коска во десното рамо на градското дерби со Бетис и Гоналон со скршеница на ногата на тренинг и Амаду. Тој го измести лактот токму на стартот на дуелот со Стандард Лиеж. Многу пехови за почеток на сезона, кои за среќа на Севилја во последно време експлодираа во голови.
