Во таборот на Борусија Дортмунд се песимисти кога станува збор за закрепнувањето на Марко Ројс. Капитенот на „милионерите“ се повреди во средата во куп-натпреварот против Вердер Бремен, а вчера не ни беше во плановите на Лусиен Фавр во ремито со Хофенхајм.
Малерозниот Ројс кој цела своја кариера се мачи со повреди, е неизвесен за првиот дуел од осминафиналето во Лигата на шампиони, каде Дортмунд на „Вембли“ ќе се сретне со Тотенхем. Иако Германецот игра во полн погон и настапи на 27 меча во сите натпреварувања, за него ќе биде прво отсутво сезонава, а доаѓа во критичен момент за Дортмунд.
Мала утеха за „милионерите“ е што и Тотенхем ќе биде без двајца клучни играчи, познато е дека Хари Кејн и Деле Али нема да се вратат на терените овој месец.
Средбата меѓу Тотенхем и Борусија Дортмунд е закажана за во среда со почеток од 21 часот.
