Пол Погба пред две години дојде во Манчестер јунајтед откако англискиот гигант му плати 105 милиони евра на Јувентус за неговиот трансфер. Сега Погба вели дека веќе не сака да игра на „Олд Трафорд“ и е подготвен да си замине. Реал Мадрид се интересира за доведување на францускиот репрезентативец, но прашање е колку најтрофејниот шпански клуб реално ќе биде подготвен да ја плати бараната сума на Манчестер.
Англискиот клуб објави дека доколку некој сака да го купи Погба, ќе мора да плати сума барем од 180 милиони евра. Тоа е сума која досега не ја платил ниту еден шпански клуб за ниту еден играч во историјата, што го прави речиси невозможен трансферот на Погба во Реал Мадрид.
Францускиот репрезентативец веќе замина со Манчестер јунајтед на подготовки во Австралија, а до крајот од преодниот рок останува да видиме дали „црвените ѓаволи“ сепак ќе ја намалат сумата за раскинување на договорот или сепак ќе се најде клуб што ја платил бараната сума.
