„Лошото момче“ Џејдон Санчо си оди од Манчестер јунајтед. Ваква информација денес сподели стручњакот за трансфер, Фабрицио Романо. Тој пренесува дека веќе договорена е позајмицата на Санчо во Борусија Дортмунд, а фудбалерот таму ќе остане до крајот на тековнава сезона.
Англичанецот во 2021 година токму од редовите на Милионерите премина во Манчестер јунајтед за 85 милиони евра, но во септември минатата година беше исфрлен од екипата, откако влезе во конфликт со тренерот Ерик тен Хаг.
Санчо потекнува од академијата на Манчестер сити, од каде што во 2017 беше купен од Борусија Дортмунд за 20 милиони евра. Неговата моментална вредност е само 25 милиони евра, иако во најдобрите денови во Борусија вредеше неверојатни 130 милиони евра.
