Манчестер јунајтед го претстави левиот бек Патрик Доргу како свое второ ново засилување во зимскиот трансфер период. Данскиот дефанзивец пристигнува на „Олд Трафорд“ од италијанскиот клуб Лече за сума од 25 милиони фунти, со дополнителни 4 милиони фунти во форма на бонуси.
Доргу потпиша договор до летото 2030 година, со опција за дополнителна сезона.
„Неверојатно сум горд што можам да се наречам играч на Манчестер јунајтед. Овој ден е посебен за мене и моето семејство“, изјави 20-годишниот Данец за клупскиот сајт.
Announcing Patrick Dorgu 🔴✔️
— Manchester United (@ManUtd) February 2, 2025
The Denmark international signs until June 2030, with the option for a further year! ❤️ #MUFC
„Не можам да дочекам да започнам работа со Рубен Аморим. Неговата визија за тимот и иднината на клубот е навистина возбудлива. Има јасен план за развој и имам чувство дека Манчестер јунајтед е совршеното место за да го остварам својот потенцијал и да ги исполнам амбициите што ги имам“, додаде Доргу.
Истовремено, Манчестер Јунајтед го потпиша и 18-годишниот дефанзивец од Арсенал, Ајден Хевен. Во наредните часови се очекува „црвените ѓаволи“ да се разделат со Тајрел Маласија, кој игра на истата позиција како Доргу.
