Англискиот дефанзивец Хари Мегваер ќе остане во Манчестер јунајтед барем уште една сезона. Клубот реши да ја активира опцијата за продолжување на договорот на една година до летото 2026 година. Ова го соопшти менаџерот Рубен Аморим.
„Разговарав со Хари ова утро и му реков дека треба да ја подобри својата игра. Покрај тоа, тој мора да се подобри како лидер. Навистина ни требаат лидери во моментов. Задоволни сме што ќе продолжиме со соработката со него“, изјави Аморим на денешната прес-конференција.
Мегваер дојде во Јунајтед од Лестер во 2019 година за 80 милиони фунти. Оваа сезона 31-годишниот фудбалер одигра 16 натпревари и постигна 1 гол. Тој е и капитен на тимот кога не игра Бруно Фернандеш.
Вкупно за Црвените ѓаволи одигра 222 натпревари на кои има 12 гола и 7 асистенции а ги има освоено англискиот фудбалски Лига куп и ФА купот.
