Манчестер јунајтед и Пари Сен Жермен забележаа идентични победи од 3:1 во натпреварите на националните купови на Англија и на Франција.
Црвените ѓаволи го победија Евертон со 3:1 на „Олд Трафорд“, а ПСЖ победи со ист резултат на гостувањето кај Шатеру.
И двата гиганти го скршија отпорот на ривалите во второто полувреме, откако по првиот дел беше 1:1.
Најинтересен момент на двата меча беше киксот на голманот на Манчестер јунајтед, Давид Де Хеа во 14. минута кога топката му мина низ нозе, иако беше залепен до стативата, а грешката ја казни Коди со гол за 1:1.
David de Gea is a Pro Clubs goalkeeper. https://t.co/uskv5PuvZJ
— Stephen Patten (@StevePatten) January 6, 2023
Сепак домаќините победија со погодоците на Ентони, автоголот на Коди и погодокот на Рашфорд од пенал и ќе играат во следната фаза на ФА купот.
И ПСЖ немаше предност на полувремето против второлигашот Шатеру, беше 1:1, но Светците славеа со 3:1 со головите на Екитике и на Солер и на Бернат.
Во меч од шпанската Ла Лига вечерва, Кадис ја изненади и победи Валенсија на „Месталја“ со 1:0 со голот на Алкарас во деветтата минута.
