Манчестер јунајтед летово купи неколку фудбалери од Ајакс откако претходно го ангажира и Ерик тен Хаг на тренерската позиција.
Но, очигледно е дека шопингот на Црвените ѓаволи во Амстердам нема да биде прекинат, односно дека во наредните месеци ќе се очекуваат и нови засилувања.
Според холандските медиуми, Мохамед Кудус е на радарот на тимот од „Олд Трафорд“, но и дека Ајакс не планира да го продаде можеби и најдобриот играч за цена под 100 милиони евра.
Кудус, кој сезонава на седум настапи има четири погодоци во сите натпреварувања, се истакна како лидер на овој тим и јасно е дека ако продолжи со ваквите игри, неговата цена константно ќе се зголемува.
