Англискиот премиерлигаш Манчестер јунајтед заврши четири големи трансфери ова лето. Во клубот дојдоа дефанзивците Лени Јоро, Матајс де Лихт и Нусаир Мазрауи, како и напаѓачот Џошуа Зиркзе.
Овие четири трансфери клубот од „Олд Трафорд“ го чинеа повеќе од 150 милиони евра, но раководството нема намера да застане и сака дополнително да го засили нападот на тимот.
Нов член на Манчестер јунајтед би можело да стане 27-годишниот англиски напаѓач Доминик Калверт-Луин, кој е член на Евертон.
Тој зад себе има неколку навистина феноменални сезони. Меѓутоа, во сезоната 2021/22 почнаа да го мачат повреди, поради кои често беше надвор од теренот. Поради тоа, тој остана без место во репрезентацијата на Англија, приказните за голем трансфер престанаа, а претходно се зборуваше дека би можело да го засили нападот на некој од големите англиски клубови.
Сепак, трансферот би можело да се случи ова лето. Раководството на Црвените ѓаволи во него гледа уште една многу добра опција за офанзивниот дел од тимот.
„Челниците на Манчестер јунајтед дискутирале за потписот на напаѓачот на Евертон, Доминик Калверт-Луин. Сепак, потписот ќе се случи само ако клубот продаде уште некој од играчите,“ наведува „Скај спортс“.
