Манчестер јунајтед игра катастрофана сезона во Премиер лигата, но сè може да се смени доколку дојдат до трофејот од Лигата на Европа, а со тоа ќе обезбедат и место во Лигата на шампионите за следната сезона.
Раководството на Црвените ѓаволи веќе е растрчано низ Европа во потрага по засилувања, а една од желбите е фудбалерот од средниот ред на Аталанта, Едерсон. Бразилецот би бил замена за Бруно Фернандеш, за кого сè почесто се шпекулира дека ќе направи трансфер во Ал-Хилал. Сепак, и доколку Португалецот остане на „Олд Трафорд“, раководството на клубот е одлучно во намерата да го купи Едерсон.
Тој има договор до 2027 година, па Аталанта е подготвена да го пушти за 50 милиони евра, колку што е и неговата моментална вредност на трансфер-пазарот.
