Манчестер јунајтед победи со 3:2 против Барнли во меч од третото коло во Премиер лигата. Црвените ѓаволи важеа за фаворити пред мечот, но на теренот, ситуацијата не беше така. Манчестер водеше со 1:0 и 2:1, но Барнли се враќаше во игра. Сепак, на крајот Манчестер победи и тоа со голот на Бруно Фернандеш од пенал во 90+7 минута.
Серијата погодоци започна во 27 минута кога Кулен си постигна автогол за водство на Манчестер јунајтед од 1:0, што беше резултат по првото полувреме.
Многу подраматично беше во вториот дел. Барнли израмни на 1:1 во 55 минута кога погоди Фостер.
Само две минути подоцна Манчестер јунајтед повторно поведе и тоа со голот на Мбеумо.
Барнли повторно покажа дека не се предава и стигна до 2:2 со голот на Ентони во 66 минута.
Кулминација на драмата се случи во судиското надполнувањето. При една акција на домаќините, судијата оцени дека нема фаул, но ВАР системот „се јави“, па главниот арбитар по прегледување на повторената ситуација, досуди пенал за Манчестер јунајтед. Во 90+7 минута, Бруно Фернандеш погоди пенал за победа на Манчестер од 3:2.
