Манчестер јунајтед по завршување на сезоната, прво што направи, го смени тренерот. Ерик тен Хаг, кој го водеше Ајакс, седна на клупата на англискиот гигант и се чекаше на првиот договор за нов играч во следната сезона.
Не е изненадување што Тен Хаг реши засилувањата за Црвените ѓаволи да ги бара во Ајакс, тим со којшто оствари одлични резултати. Бразилскиот репрезентативец Ентони конечно е договорен да биде нов играч на тимот од „Олд Трафорд“, и тоа за сума од 47 милиони евра.
Ентони е млад, 22-годишен офанзивец кој блесна во дресот на Ајакс откако во 2020 година пристигна од тимот на Сао Пауло. Благодарение на добрите игри, Ентони се стекна и со статус на репрезентативец на Бразил, што е само уште еден доказ за каков квалитет се работи.