Манчестер јунајтед по една сезона пауза, повторно се враќа во елитната Лига на шампиони.
Црвените ѓаволи вечерва го разбија Челзи со 4-1 и на едно коло до крајот на Премиер лигата си обезбедија место во ЛШ, заедно со Сити, Арсенал и Њукасл како четири претставници на Англија, а Ливерпул ќе мора да се задоволи со Лигата на Европа.
Сините од Лондон на „Олд Трафорд“ тргнаа со почетен состав во кој просечната возраст на играчите беше 23 години и 238 дена и ова е само трет случај во историјата на Премиер лигата некој тим да излезе со играчи во просек помлади од 24 години.
Челзи десетти меч по ред е без победа на гости кај Јунајтед, а по 27 сезони, првпат сезоната ја завршува во долната половина на табелата.
Нивните фанови во финишот на средбата се шегуваа на своја сметка и пееја: „Вие не сте ништо посебно, ние губиме од сите!“
Каземиро го даде првиот гол за Манчестер, а Бразилецот имаше и супер предасистенција за вториот гол. Каземиро со главата свртена на другата страна му додаде на Санчо, а овој го проигра Марсијал, кому не му беше тешко да погоди за 2-0.
Погледнете ја акцијата која го одбележа мечот:
A great move by Sancho before he passes the ball to Martial, who scores the second goal ..#MUNCHE
pic.twitter.com/FALOar5gZU— 🅚🅡➑ (@KR_808) May 25, 2023
