Актуелниот англиски првак Манчестер сити сигурно останува без еден трофеј во новата сезона откако вечерва загуби на гости кај Њукасл со 1:0 во меч од 16-финалето на Лига купот.
Алксандер Исак беше херојот на Њукасл постигнувајќи го погодокот во 53-тата минута, кој на крајот се покажа како доволен за победа на домаќините. Сити на овој меч играше во комбиниран состав и тоа се покажа како кобно за нив.
Челзи конечно постигна гол во септември и тој беше доволен да се победи Брајтон со 1:0. На почетокот на второто полувреме Николас Џекстон беше стрелец на погодокот вреден пласман во осминафиналето на Лига купот.
Еден гол му беше доволен и на Арсенал, и тоа на гости кај Брентфорд, како и на третиот лондонски клуб Вест хем, и тоа на гости кај Линколн.
Ливерпул со пресврт во второто полувреме го победи Лестер со 3:1, додека Фулам со 2:1 беше подобар од Норвич. Во останатите мечеви од 16-финалето: Астон вила – Евертон 1:2, Блекбурн – Кардиф 5:2 и Борнмут – Стоук 2:0.
