Голманот на младинската екипа на Манчестер сити, Џејмс Трафорд, од следната сезона ќе биде нов чувар на мрежата на премиерлигашот Барнли. Вкупната вредност на трансферот е 22 милиони евра, а Граѓаните ќе имаат и 20% од неговиот следен трансфер, но и приоритет да го откупат и да го вратат во Манчестер.
Дваесетгодишниот Трафорд досега беше дел од младинските екипи на Сити до 21 и 23 години, а беше на позајмица во Болтон и Акрингтон.
Младиот голман е стандарден и на голот на англиската репрезентација до 21 година.
